കേൾക്കാൻ ആളെ കൊടുക്കുന്നുണ്ടോ??" അതെ, വിജയ് സൂപ്പറും പൗർണമിയും എന്ന സിനിമയിൽ പറയുന്നതുപോലെ "ഇന്നത്തെ കാലത്ത് കേൾക്കാൻ ഒരാളെ കിട്ടുക എന്നത് വളരെ പ്രയാസമേറിയ ഒരു കാര്യമാണ്". പണ്ട് സ്കൂളിൽ നിന്ന് തിരിച്ചു വരുമ്പോൾ അമ്മയോട് പറയാനായി ചെറിയ ചെറിയ വിശേഷങ്ങൾ മാറോട് ചേർത്തുപിടിച്ചു ഓടിക്കിതച്ചു വരുമായിരുന്നു. അറിഞ്ഞു കൊണ്ടോ അറിയാതെയോ അമ്മ അതൊന്നും ശ്രദ്ധിക്കുന്നില്ല എന്ന് തോന്നുമ്പോൾ ദേഷ്യവും സങ്കടവും സഹിക്കാൻ പറ്റാതെ വീടിന് ഏതെങ്കിലും ഒരു മൂലയിൽ മുഖവും വീർപ്പിച്ച് ചെന്ന് ഇരിക്കുക പതിവായിരുന്നു.
ഒറ്റപ്പെടുന്നു എന്ന തോന്നുമ്പോഴെല്ലാം നമ്മളെക്കാൾ വേദന സഹിക്കുന്നവരുടെ അനുഭവങ്ങൾ എന്നെ ഒരുപാട് ശക്തയാക്കിയിട്ടുണ്ട്. അവരെ ഓർക്കാറുമുണ്ട്. ഇപ്പോൾ അവർ സന്തോഷവതികളായി ഇരിക്കുന്നതിൽ സന്തോഷിക്കാറും ഉണ്ട്....
ബസ്സിറങ്ങി വീട്ടിലേക്കുള്ള ഇടവഴിയിൽ പഴകിയ ഓർമ്മകൾ പതിവ് പോലെ പറക്കിയെടുത്ത് നടന്നുനീങ്ങുകയായിരുന്നു. ബാഗിലെ കഴുകിയതും കഴുകാത്തതുമായ തുണികൾ ഭാരം കൊണ്ട് എന്നെ ക്ഷീണിപ്പിച്ചു. എങ്കിലുംതിരുവനന്തപുരം നഗരത്തിൽ നിന്നും നാട്ടിടവഴിയിൽ എത്തിയപ്പോൾ കാലുകൾക്ക് വേഗത കൂടിയോ എന്ന് തോന്നി. പെട്ടന്ന് ഒരു മു...
